اهم 10 نصائح للمبتدئين في صيانه الموبايل

 

اهم 10 نصائح للمبتدئين في صيانه الموبايل



اهم 10 نصائح للمبتدئين في صيانه الموبايل



الحمدلله الذي علم الإنسان مالم يعلم، والصلاة والسلام على معلم البشرية، وعلى آله وأصحابه الطيبين الطاهرين؛ وبعد...


لو انت مبتدئ او بتفكر تدخل مجال صيانة الموبايل إليك عشر نصائح مهمين لازم يكونو في ذهنك؛..


النصيحه الأولى


الحاجه اللي راح تعملها بي استعجال  ثق تماماً إنها يا إيما حتتعطل، يا إيما حتاخذ وقت ضعف او ضعفين او ثلاث أضعاف الوقت اللي انت كنت اخترته لو انت مش مستعجل، عشان كذه بقولك متستعجلش.


النصيحه الثانيه


عشان تنجح في صيانه الموبايل، حاول تتعلم شويه انجليزي صغيرين وشويه كمبيوتر صغيرين، لما تتعلم انجليزي حتعرف تتعامل مع المخططات حتعرف تتعامل مع البحث مع جوجل، اما لما تتعلم كمبيوتر حتعرف تتعامل مع السفت وير حتعرف مجموعه من الفحوصات وعمليات البرمجه الي نستخدمها عن طريق الكمبيوتر.


النصيحه الثالثه

نضافة محلك، نضافة مظهرك، نضافة ادواتك، كل دول لايقل اهميه عن نضافه شغلك، بنشوف ناس بتنزل فيديوهات على اليوتيوب، وعلى الفيس بوك، بتلاقي مكتب الصيانه لا تعليق، فأنت ازاي عايز الزبون يتعامل معك كانك برفشنال وانت مظهرك او مظهر مكتبك او مظهر شغلك، أو نضافه حتى شغلك ميدلوش على كذه،
نضافة الشغل لا تقل اهميه عن الشغل ذات  نفسة.


النصيحه الرابعة

من الحاجات المهمه جداً في مجال صيانة الموبايل إنك بتسمع للكل، في وقتنا الحاضر السوشل ميديا مليانة ناس اليوتيوب مليانه مهندسين بيشرحو للكل، اسمع للكل بس متصدقش كل حاجة، حاول تفكر صح شغل مخك، توصل للحلول المزبوطه والمعلومة الأكيده.


النصيحه الخامسه

إياك ترضا عن مستواك، وخليك دوماً شايف لفوق، لوانت داخل امتحان وهدفك انك تنجح يدوبك تنجح ويمكن متنجش، لاكن لو هدفك انك تجيب 100٪ يمكن تجيب 80٪ بسهوله، فاياك تقول انا كذه وصلت للمستوا الي راضي عنه، اياك ترضا عن مستواك وخلي دوماً طموحك ملوش حدود، ويوم متفكر انك وصلت اعرف فعلا انك وصلت في بداية الفشل.


النصيحه السادسة

أهم خطوة وأنتا لسى جديد في صيانة الموبايل، أن سيدتك تنزل السوق بنفسك تتعلم مهارة الإستلام والتسليم، تتعلم طرق التعامل مع الزبون، هذا اهم شيء في مجال صيانة الموبايل، يعني لو انت ناجح في الصيانة، ومبتعرفش تتعامل مع الزبون، حتخسر اكثر ما تكسب.


النصيحه السابعة

لا تطفش ولا تستسلم، الموضوع مش ابتديت اليوم وبكره بقيت محترف، الموضوع محتاج صبر وممارسه لفتره طويله، وحاول مره وثنين وثلاثة وعشرة حتفشل وتفشل وتفشل، وبعدين تنجح مره وبعديها تفشل وبعديها تنج مره وتنجح الثانية وترجع تفشل الي يتقدم في الشغلانه دي مبيتقدمش بخط مرتفع طول الوقت، بيتقدم شويه ويخبط وشويه والي بينجح هو الشخص الذي لا يطفش ولا يستسلم.


النصيحه الثامنه

خذ فكره عن شيء  وتخصص في شيء، ما المقصود بهذا الكلام؛
سؤال بيحير ناس كثير اول ما بيجي يدخل مجال صيانة الموبايل، انا حشتغل هارد وير او سفت وير ولا الأثنين مع بعض، المطلوب ان سيادتك لو انتا ناوي تتخصص في الهارد وير، يكون عندك خلفيه عن السفت وير، وكذالك العكس، لو انت ناوي تتخصص في السفت وير ضروري يكون عندك فكره عن النهار وير، فالهار وير من دون خلفيه عن السفت وير، من وجهة نظري الشخصية بيفشل، وفني السفت وير من دون معلومات عن الهار وير بيفشل، لأن في الوقت الحاضر أصبحت الأعطال متشابهه.

النصيحة التاسعة

استثمر في نفسك وفي ادواتك
كل ملييم بتستثمر في نفسك أو ادواتك بيرجعلك أضعاف مضاعفة، وبيساعدك انك تتقدم وتتطور بسرعه، ولما تتطور بسرعه بيزيد دخلك بسرعه، الكورسات حتخليك تتقدم بخطوات واسعه، والمعدات حتسهل عليك الشغل، وحتقلل مرتجعات، الأدوات عليها عامل مهم في شغلنا، كلما كانت ادواتك احترافيه اكثر، كلما احتماليه انك تصلح اكبر من الأجهزة في وقت اقل وجوده كويسه، وهذا بيزيد من دخلك، وكمان بيزيد ثقتك في نفسك، لأن الفني المبتدأ عامل زي البيبي الي بيحبي ولسا يبتدا انه يتعلم يوقف ويمشي على رجليه مش محتاج اي حاجه تكعبله بالعكس محتاج حاجه الي تسنده علشان يقدر ياخذ الجرأه ويثق في نفسه عشان يقدر يكمل، فاالادوات الغير احترافيه تعتبر عائق أمام الفني المبتدأ وممكن جداً تأثر على ثقته بنفسه.


النصيحه العاشره

الدورات
كثير بيأخذ الطريق السهل، ويقلك انا حروح اتعلم واخذ دوره وبعدين انزل السوق، جميل جدا نصحيه مني متسترحصش متتستقربش، متقولش الدوره هذي رخيصه، يبقى انا بروح اخذها، اهوه لو حسيت اننا مش لاقي نفسي في المجال يبقى انا لم اخسر كثير، أو فلان قريب مني يبقى اروح اتعلم عنده، منطق غلط جداً جدآ في مجال صيانة المحمول،
اول شيء السوشل ميديا مفتوح للجميع، حاول تدخل وتتفرج وتتعلم شوف انتا تستوعب منه وروح ادرس عنده، شوف مين طلابه على الساحه أثبتوا وجود على الساحه وروح اتعلم عنده مهما كان غالي مهما كان رخيص مش حتفرق معاك كثر في الأول وفي الاخر، الفلوس الي انت بتدفها اول ماتشتغل حتبدا تجمع.
اتمنا اكون افتكم.

1 تعليقات

أحدث أقدم

نموذج الاتصال